- Published on
ရေးသားသူ- Liliane
- Published on
ရေးသားသူ- CG’s Kēlì
အမျိုးသမီးအသံ အမျိုးသမီးအသံ စာစဉ်အမှတ် (၂) မှ ကောက်နုတ်ဖော်ပြသည်။
စစ်အာဏာသိမ်းမှုပြီးနောက်ပိုင်းတွင် မြန်မာနိုင်ငံ၌ အမျိုးသမီးတွေအပေါ် ရုပ်ပိုင်းဆိုင်ရာ၊ စိတ်ပိုင်းဆိုင်ရာ၊ လိင်ပိုင်းဆိုင်ရာ ထိပါးနှောင့်ယှက်ခံရမှုတွေ နေ့စဉ်နဲ့အမျှ တိုးပွားလျက်ရှိပြီး ဒါတွေကို ကာကွယ်နိုင်ဖို့နဲ့ လျှော့ချနိုင်ဖို့ ထိရောက်တဲ့ အစီအမံတွေ လိုအပ်နေပါတယ်။
မြန်မာနိုင်ငံမှာ စစ်အစိုးရအဆက်ဆက် ရက်စက်ကြမ်းကြုတ်ယုတ်မာပြီး လူမဆန်တဲ့ လူ့အခွင့်အရေးချိုးဖောက်မှုတွေကို ဆယ်စုနှစ်ပေါင်းများစွာ စနစ်တကျ ကျူးလွန်ခဲ့တာဖြစ်ပါတယ်။ လက်နက်ကိုင်ပဋိပက္ခ အခြေအနေတွေမှာ စစ်တပ်ရဲ့ လိင်အကြမ်းဖက်မှုတွေကို ကြုံတွေ့ခဲ့ရတဲ့ အမျိုးသမီးပေါင်းများစွာ ရှိပါတယ်။ ကချင်ပြည်နယ်၊ ရှမ်းပြည်နယ်နဲ့ ရခိုင်ပြည်နယ်မှာရှိတဲ့ ထိလွယ်ရှလွယ်အုပ်စုတွေဖြစ်တဲ့ တိုင်းရင်းသားလူနည်းစု၊ ဘာသာခြားနဲ့ မသန်စွမ်းအမျိုးသမီးတွေက လိင်အကြမ်းဖက်မှုရဲ့ အဓိကသားကောင်တွေ ဖြစ်ခဲ့ရပါတယ်။
မြန်မာနိုင်ငံမှာ ၂၀၂၁ ခုနှစ်၊ ဖေဖော်ဝါရီလ (၁) ရက်နေ့ စစ်အာဏာသိမ်းပြီးနောက် နွေဦးတော်လှန်ရေး အရှိန်အဟုန်မြင့်လာတာနဲ့အမျှ စစ်တပ်နဲ့ ပြည်သူ့ကာကွယ်ရေးတပ်ဖွဲ့တွေကြား တိုက်ခိုက်မှုတွေလည်း နေ့စဉ်နဲ့အမျှ ခပ်စိပ်စိပ်ဖြစ်ပွားလျက် ရှိပါတယ်။ အာဏာသိမ်းစစ်တပ်ရဲ့ အရပ်သားပစ်မှတ်ပါမချန် အကြမ်းဖက်တိုက်ခိုက်မှုတွေနဲ့ အစစ်ဆေးအမေးမြန်းမရှိ၊ ထင်ရာမြင်ရာ ဖမ်းဆီးမှုတွေကြောင့် နိုင်ငံတဝှမ်း နေရပ်စွန့်ခွာ ထွက်ပြေးတိမ်းရှောင်နေရသူတွေ များပြားလာသလို အမျိုးသမီးတွေအပေါ် လိင်ပိုင်းဆိုင်ရာအကြမ်းဖက်ခံရမှုတွေကလည်း တရိပ်ရိပ်တက်လာနေပါတယ်။
စစ်အာဏာရှင်ကို ရွံ့ရွံ့ချွန်ချွန် ပြန်လည်ဆန့်ကျင်တိုက်ခိုက်နေတဲ့ စစ်ကိုင်းတိုင်း၊ ကရင်နီပြည်နယ်၊ မကွေးတိုင်းနဲ့ မန္တလေးတိုင်းတွေမှာ ပိုမိုဖြစ်ပွားလာတာ တွေ့ရတယ်။ စစ်ကြောရေး တွေမှာဆိုရင်လည်း အမျိုးသမီးတွေအတွက် ရုပ်ပိုင်း၊ စိတ်ပိုင်းနဲ့ လိင်ပိုင်းဆိုင်ရာ အမြတ်ထုတ်မှုနဲ့ အကြမ်းဖက်မှုတွေ ဆိုးရွားစွာ ကြုံတွေ့ခံစားရပြီး လူ့အခွင့်အရေးချိုးဖောက်နေတဲ့ အရှင်လတ်လတ် ငရဲခန်းတွေ ဖြစ်လာခဲ့တယ်။
စစ်ဘေးရှောင်အမျိုးသမီးတွေဟာလည်း စစ်တပ်ရဲ့ လူမဆန်စွာ ရက်ရက်စက်စက် လိင်အကြမ်းဖက်သတ်ဖြတ်မှုတွေနဲ့ ရင်ဆိုင်နေရပါတယ်။ အကြမ်းဖက်စစ်တပ်က တော်လှန်ရေးမှာပါဝင်တဲ့ ပြည်သူတွေကို ဖိနှိပ်ဖို့အတွက် ရွံရှာစက်ဆုပ်ဖွယ် လိင်အကြမ်းဖက်မှုတွေကို စစ်နည်းဗျူဟာတစ်ခု၊ လက်နက်တစ်ခုအနေနဲ့ တမင်တကာရည်ရွယ်ချက် ရှိရှိ စနစ်တကျ ကျူးလွန် နေတာကို တွေ့ရပါတယ်။
“အကြမ်းဖက်စစ်တပ်က တော်လှန်ရေးမှာပါဝင်တဲ့ ပြည်သူတွေကို ဖိနှိပ်ဖို့အတွက် ရွံရှာစက်ဆုပ်ဖွယ် လိင်အကြမ်းဖက်မှုတွေကို စစ်နည်းဗျူဟာတစ်ခု၊ လက်နက်တစ်ခုအနေနဲ့ တမင်တကာရည်ရွယ်ချက်ရှိရှိ စနစ်တကျ ကျူးလွန်နေတာကို တွေ့ရပါတယ်”
တစ်ဖက်မှာလည်း လိင်အကြမ်းဖက်ခံရမှုဖြစ်စဉ်တွေကို စနစ်တကျ မှတ်တမ်းတင်ထားရှိပြီး နစ်နာသူတွေကို ပြန်လည်ကုစားပေးဖို့ အမှန်တရားရှာဖွေကာ တရားမျှတမှုဖော်ဆောင်ပေးဖို့အတွက် အသွင်ကူးပြောင်းရေးဆိုင်ရာ တရားမျှတမှုဖြစ်စဉ်မှာ ကျူးလွန်သူတွေကို ပြန်လည်ဖော်ထုတ် အရေးယူဖို့ လိုအပ်ပါတယ်။ အာဏာသိမ်းကာလ ၂ နှစ်နဲ့ ၈ လအတွင်းမှာ လိင်ပိုင်းဆိုင်ရာ ထိခိုက်၊ အကြမ်းဖက်ခံရသူဦးရေ (၂၂၃) ဦး ရှိတယ်လို့ အမျိုးသားညီညွတ်ရေးအစိုးရ၊ အမျိုးသမီး၊ လူငယ်နှင့် ကလေးသူငယ်ရေးရာဝန်ကြီးဌာနက ထုတ်ပြန်ချက်မှာ တွေ့ရပါတယ်။ မြေပြင်အခြေအနေမှာ ဒီထက်မက ပိုများဖို့ပဲ ရှိပါတယ်။
ခေတ်အဆက်ဆက် ကျူးလွန်ခဲ့တဲ့သူတွေကို အရေးယူအပြစ်ပေးနိုင်ခြင်းမရှိတာကြောင့် အကြမ်းဖက်မှုရဲ့ နစ်နာသူတွေကတော့ ယနေ့အချိန်ထိ တရားမျှတမှုကို မရရှိသေးပါဘူး။ တရားမျှတမှုကိုရှာဖွေဖို့ ထုတ်ဖော်ပြောဆိုရာမှာလည်း အတားအဆီးတွေ အများကြီး ကြုံတွေ့နေရ ပါတယ်။ အကြမ်းဖက်မှုခံရရင်တောင် လျစ်လျူရှုခံရတာ၊ မိသားစု၊ မျိုးနွယ်စုရဲ့ ဂုဏ်သိက္ခာညှိုးနွမ်းမှာ၊ အရှက်ရမှာစိုးရိမ်တဲ့အတွက် အသံကျယ်ကျယ်မထွက်ရဲကြတော့ဘဲ နှုတ်ဆိတ်နေလိုက်ရတာတွေ ရှိလာခဲ့တယ်။
မြန်မာနိုင်ငံမှာက လိင်ပိုင်းဆိုင်ရာ အကြမ်းဖက်မှုတစ်ခုဖြစ်လာခဲ့ရင် နစ်နာသူ အမျိုးသမီးကို ကျူးလွန်သူနဲ့ အတင်းအကြပ် လက်ထပ်စေတာ၊ အကြမ်းဖက်မှုကြောင့် မလိုလားအပ် ဘဲ ရရှိလာတဲ့ ကလေးကို မွေးဖွားစေတာက ထုံးစံတခုလို ဖြစ်နေခဲ့တယ်။ အကျိုးဆက်က အကြမ်းဖက်ခံရမှုကြောင့် မွေးဖွားလာသူတွေမှာ နာမည်ဆိုးတပ်ခံရတာ၊ ခွဲခြားဆက်ဆံခံရပြီး ဘဝတလျှောက်လုံး အရှက်တရားနဲ့ နေထိုင်ရတာတွေ ဖြစ်လာခဲ့ရတယ်။ နစ်နာသူကို လက်ညှိုးထိုး၊ ကဲ့ရဲ့အပြစ်တင်ရှုံ့ချတာတွေမလုပ်ဘဲ သူတို့ရဲ့လုံခြုံမှုကို ထောက်ပံ့ပေးနိုင်ပြီး အခွင့်အရေးနဲ့ ဂုဏ်သိက္ခာကို လေးစားတဲ့ လူ့အဖွဲ့အစည်းတစ်ခု ဖြစ်ဖို့လည်း လိုအပ်ပါတယ်။
ဆယ်စုနှစ်များစွာ စစ်အုပ်ချုပ်ရေးအောက်မှာ နေထိုင်လာရတော့ မြန်မာ့ယဉ်ကျေးမှုမှာက ဖခင်ကြီးစိုးတဲ့စနစ်က အမြစ်တွယ်လျက်ရှိပြီး အမျိုးသားနဲ့ အမျိုးသမီးကြားမှာ တန်းတူညီမျှမှုမရှိဘဲ အမျိုးသားတွေကသာ လွှမ်းမိုးတဲ့ဓလေ့ထုံးတမ်းအစဉ်အလာတွေက နေသားတကျရှိနေခဲ့တာ ကြာခဲ့ပါ ပြီ။ ခေါင်းဆောင်မှုအပိုင်းနဲ့ ဆုံးဖြတ်ချက်ချရတဲ့နေရာတွေမှာ အမျိုးသမီးတွေဟာ ဖယ်ထုတ်ခံရတာ ကြောင့် ကျား၊မ အခြေပြုခွဲခြားဆက်ဆံမှုနဲ့ တန်းတူမညီမျှမှုတွေကနေ အိမ်တွင်းအကြမ်းဖက်ခံရမှု၊ ကျား၊မ အခြေပြုအကြမ်းဖက်မှုနဲ့ ပဋိပက္ခတွင်း လိင်အကြမ်းဖက်ခံရမှုတွေဆီကို ဦးတည်လာခဲ့တယ်။
ဥပဒေအရ အကာအကွယ်ပေးမှု အားနည်းတဲ့အတွက် အမျိုးသမီးတွေကို အကာအကွယ် ပေးတဲ့ မူဝါဒတွေ၊ ဖွဲ့စည်းပုံအခြေခံဥပဒေဆိုင်ရာ ပြဌာန်းချက်တွေ ချမှတ်ပေးတာ စတဲ့ ဥပဒေအရ ပြုပြင်ပြောင်းလဲမှုတွေနဲ့ နိုင်ငံရေးအရ ဆုံးဖြတ်ချက်ချတဲ့နေရာတွေမှာ အမျိုးသမီးတွေရဲ့ ပါဝင်မှုနဲ့ ကိုယ်စားပြုမှုကို မြှင့်တင်ပေးတာတွေ လုပ်ဆောင်သင့်ပါတယ်။
လိင်အကြမ်းဖက်ခံရတဲ့ အမျိုးသမီးတွေမှာ ရုပ်ပိုင်းဆိုင်ရာထိခိုက်ဒဏ်ရာတွေ၊ လိင်ကတဆင့်ကူးစက်တဲ့ ရောဂါတွေရနိုင်တဲ့အတွက် ကျန်းမာရေးစောင့်ရှောက်မှုနဲ့ စိတ်ပိုင်းဆိုင်ရာ ဆွေးနွေးနှစ်သိမ့်ပံ့ပိုးမှုတွေနဲ့ လူသားချင်း စာနာထောက်ထားမှုဆိုင်ရာ အကူအညီတွေ ပေးဖို့လိုပါတယ်။
တစ်ဖက်မှာဆိုရင်လည်း အမျိုးသမီးအခွင့်အရေးအတွက် လှုပ်ရှားနေတဲ့ ပြည်တွင်း အဖွဲ့အစည်းတွေအတွက် အာဏာသိမ်းကာလမှာ ထောက်ပံ့အကူအညီပေးရေးကိစ္စတွေ လုပ်ဆောင် ရာမှာ ငွေရေးကြေးရေး၊ နည်းပညာ၊ ဥပဒေပိုင်းဆိုင်ရာ အခက်အခဲတွေ၊ အကန့်အသတ်တွေ ရှိနေတာ ကြောင့် ထောက်ပံ့မှုပေးတာမျိုးတွေ လုပ်ဆောင်ပေးဖို့လည်း လိုအပ်ပါတယ်။
ယခုကာလအတွင်း အမျိုးသားညီညွတ်ရေးအစိုးရ၊ အမျိုးသမီး၊ လူငယ်နှင့် ကလေးသူငယ် ရေးရာဝန်ကြီးဌာနက ဦးဆောင်လမ်းညွှန်မှုနဲ့ အမျိုးသမီးများအပေါ် လိင်ပိုင်းဆိုင်ရာအကြမ်းဖက်မှု ပပျောက်ရေး လူထုလှုပ်ရှားမှုနဲ့ ၁၆ ရက်တာ လှုပ်ရှားမှုအနေနဲ့ စကားဝိုင်းဆွေးနွေးပွဲ၊ ဟောပြောပွဲနဲ့ ကမ်ပိန်းတွေ ပြုလုပ်နေတာကလည်း တကယ်ထိရောက်ပြီး ကောင်းမွန်တဲ့ ဆောင်ရွက်ချက်တွေပဲ ဖြစ်ပါတယ်။
“ပဋိပက္ခစစ်ပွဲကာလအတွင်း အမျိုးသမီးတွေအပေါ် လိင်အကြမ်းဖက်မှု အဆုံးသတ်ရေး အတွက် ထိရောက်တဲ့ အစီအမံတွေကို ချမှတ်ဆောင်ရွက်ကြဖို့နဲ့ အားလုံးတက်တက်ကြွကြွ ပူးပေါင်းဆောင်ရွက်ကြပါလို့ တိုက်တွန်းလိုပါတယ်”
"အမျိုးသမီးအသံ အမျိုးသမီးအားမာန်" စာစဉ် (၂) ကို အောက်ပါ Link မှာ Download ဆွဲပြီး ဖတ်ရှုနိုင်ပြီ ဖြစ်ပါတယ်။
https://drive.google.com/file/d/1i6Euc_oBjzLGxrneM4EXGO0GvhF-IRGT/view?usp=drive_link
#politicsforwomenmyanmar
#whatishappeninginmyamar
#Advocacy
#politics
#media
- Published on
ရေးသားသူ- မာယာ
အမျိုးသမီးအသံ အမျိုးသမီးအသံ စာစဉ်အမှတ် (၂) မှ ကောက်နုတ်ဖော်ပြသည်။
အာဏာရူးတဲ့ ဖက်စစ်ဘီလူးကြောင့်
မိုင်ပေါင်းများစွာ ဝေးကွာနေရတဲ့ အိမ်....
ရီသံတိတ်လို့ ငိုစိမ့်တယိုယို
ထမင်းဝိုင်းတွေ လူမစုံတော့တဲ့ အိမ်....
တရားမျှတမှုတွက် လက်နက်စွဲကိုင်ပြီး
တိုက်ပွဲဝင်သွားတဲ့ သားငယ်ပြန်အလာကို
သပြေပန်းကိုင်ပြီးမျှော်နေတဲ့ အမေအိုရှိတဲ့ အိမ်....
လက်နက်ကြီးပစ် အိမ်မီးရှို့လို့
ငိုယိုနေတဲ့ ပြည်သူတွေ ပြန်စရာမရှိတော့တဲ့ အိမ်....
ဘယ်အချိန်အဆုံးသတ်မလဲ မသိတဲ့ တိုက်ပွဲတွေတိုက်ရင်း
ညနေ နေဝင်ချိန်တိုင်း ရဲဘော်တွေ ပြန်ချင်နေတဲ့ အိမ်....
"အမျိုးသမီးအသံ အမျိုးသမီးအားမာန်" စာစဉ် (၂) ကို အောက်ပါ Link မှာ Download ဆွဲပြီး ဖတ်ရှုနိုင်ပြီ ဖြစ်ပါတယ်။
https://drive.google.com/file/d/1i6Euc_oBjzLGxrneM4EXGO0GvhF-IRGT/view?usp=drive_link
#politicsforwomenmyanmar
#whatishappeninginmyamar
#Advocacy
#politics
#media
- Published on
ရေးသားသူ- စုသွေးနီ
အမျိုးသမီးအသံ အမျိုးသမီးအသံ စာစဉ်အမှတ် (၂) မှ ကောက်နုတ်ဖော်ပြသည်။
မျက်ရည်ခရင်ပလိန်း ကိတ်တစိတ်
ဒုက္ခချောကလက်ညှပ် ဆင်းဒွပ်တချပ်
သောက်နေကြကော်ဖီတခွက်
သောကပျစ်ပျစ်နှစ်နှစ်နဲ့ ….။
ခါးသီးတဲ့ဘဝတွေရောရှိတ်
မနက်အစောစာ မုန့်ဟင်းခါး
မုန့်တွေ ဟင်းတွေမခါးပါစေနဲ့
ထမင်းတွေကော ရှားနေမလား။
ဘီယာတခွက် ဝိုင်တပတ်နဲ့
ဟက်တက်ကွဲနေတဲ့အသဲတွေနဲ့
လဲမယ်ဆိုလည်း သဘောပဲ။
ပျော်ရွှင်စရာဆိုတာ လူတချို့အတွက်ပဲလား
မှိန်ဖျော့ဖျော့အနာဂတ် ဘယ်သူ့လက်မှာလဲ
သေနတ်နဲ့ တိုက်သူကတိုက်
ပါးစပ်နဲ့ တိုက်သူကတိုက်
တချို့က အလိုက်အထိုက်
တချို့တွေက အင်တိုက်အားတိုက်
တချို့ကတော့ ကန့်လန့်တွေတိုက်
တချို့တွေက အချင်းချင်းခိုက်။
ပြည်သူတွေ တော်လှန်ရေးအတွက်ကူ
တော်လှန်ရေးက ပြည်သူတွေအတွက်ပူလို့
အတူတူရုန်းကန် လွမ်းစရာကျန်မှမကျန်တော့တာ
ဘဝဆိုတာတိုက်ပွဲတဲ့
ဒီမှာတော့တိုက်ပွဲတွေက ဘဝဖြစ်လို့။
ကျဆုံးသူတို့ရင်ပြင်နီမှာ ပန်းတွေမဝေရသေးခင်
ဒေါနတောင်ကြောတလျှောက်
ယမ်းတွေခြွေနေရအုံးမှာပဲ ….။
ငါတို့ပိုင်တဲ့တချောင်းတည်းသော အသက်တွေလောင်းကြေးထပ်
အမှန်တရားပေါ် မတ်မတ်ရပ်
မယိုင်နဲ့ မနဲ့နဲ့ စွဲကိုင်ထားတဲ့ယုံကြည်ချက်
ကမ္ဘာကြီးကျွတ်တန်းဝင်ချိန် မဝေးတော့ပြီမို့
ဒီတချီ အပီသာနွှဲ နောက်ပွဲလည်းမချန်
ပြန်ချိန်တန်ရင် နာကျင်စရာတွေမကြုံချင်
သိက္ခာကိုသာတင်းတင်းခြုံထား လိပ်ပြာကလုံပြီးသား။
"အမျိုးသမီးအသံ အမျိုးသမီးအားမာန်" စာစဉ် (၂) ကို အောက်ပါ Link မှာ Download ဆွဲပြီး ဖတ်ရှုနိုင်ပြီ ဖြစ်ပါတယ်။
https://drive.google.com/file/d/1i6Euc_oBjzLGxrneM4EXGO0GvhF-IRGT/view?usp=drive_link
#politicsforwomenmyanmar
#whatishappeninginmyamar
#Advocacy
#politics
#media
- Published on
ရေးသားသူ- Liliane
အမျိုးသမီးအသံ အမျိုးသမီးအသံ စာစဉ်အမှတ် (၂) မှ ကောက်နုတ်ဖော်ပြသည်။
ခင်ဗျားတို့ စစ်အာဏာရှင်ကို မုန်းရင်
ဖိုဝါဒကို အမြစ်ပြတ် ဖြိုချရမယ်။
လူမျိုးကြီးဝါဒကို မုန်းရင်
ဖိုဝါဒကို အမြစ်ပြတ် ဖြိုချရမယ်။
ခွဲခြားဆက်ဆံမှုကို မုန်းရင်
ဖိုဝါဒကို အမြစ်ပြတ် ဖြိုချရမယ်။
တန်းတူညီမျှမှုကို တမ်းတနေရင်
ဖိုဝါဒကို အမြစ်ပြတ် ဖြိုချရမယ်။
ဖက်ဒရယ်ကို ရေးချယ်ချင်တယ်ဆိုရင်
ဖိုဝါဒကို အမြစ်ပြတ် ဖြိုချရမယ်။
တော်လှန်ရေးအလံကို စိုက်ထူချင်ရင်
ဖိုဝါဒကို အမြစ်ပြတ် ဖြိုချရမယ်။
ဖိုဝါဒဟာ ကျား၊ မအခြေပြု ခွဲခြားဆက်ဆံ
နိုင်ထက်စီးနင်းလုပ်မှုလောက်လို့သာမမြင်ကြနဲ့
လူမျိုးတစ်ခုနဲ့ နောက်တစ်ခုကြား
ကြီးစိုးအမြတ်ထုတ်အနိုင်ကျင့် ချုပ်ကိုင်ချင်တာဟာ
ဖိုဝါဒကလာတယ်။
စစ်တပ်က စစ်တန်းလျားထက်
အစိုးရယန္တရားတစ်ခုလုံးကို ချုပ်ကိုင်အနိုင်ကျင့်ချင်တာ
ဖိုဝါဒကလာတယ်။
အင်အားအခြေပြုပြီး အားကြီးသူ နိုင်စတမ်းလုပ်တာ
ဖိုဝါဒက လာတယ်။
လူ့အခွင့်အရေးကို ဘေးထုတ်စဉ်းစားချက်တွေက
ဖိုဝါဒက လာတယ်။
ဖိုဝါဒဆိုတာ
လူတစ်ယောက်ချင်းအတွက်၊ လူ့အသိုင်းအဝိုင်းအတွက်
ကူးစက်လွယ်ပြီး ယဉ်ပါးလွယ်တဲ့
ကြောက်စရာ ရောဂါဆိုးကြီးဘဲ။
လူသားတိုင်းတိုက်ဖျက်ဖို့ လိုသလို
ကိုယ်တိုင်ကလည်း ရောဂါမဖြန့်တဲ့သူဖြစ်ဖို့လိုပါတယ်။
ဖိုဝါဒက ကိုယ့်မှာရှိရင် တိုက်ထုတ်ကြ
ဖိုဝါဒက ကိုယ့်ဝန်းကျင်မှာရှိရင် တိုက်ထုတ်ကြ
ဖိုဝါဒက ကိုယ့်နိုင်ငံအုတ်မြစ်မှာရှိရင် အမြစ်လှန်ကြ။
ဖိုဝါဒရှိတဲ့ လူ့ဘောင်မှာ
ဒီမိုကရေစီလည်းမရှိဘူး။
ဖက်ဒရယ်လည်းမရှိဘူး။
တန်းတူညီမျှမှုလည်း မရှိဘူး။
ငြိမ်းချမ်းမှုလည်းမရှိဘူး။
ဖိုဝါဒဆိုတာ ခွဲခြားဆက်ဆံဖိနှိပ်မှုအားလုံးရဲ့ ဇစ်မြစ်ဘဲ။
"အမျိုးသမီးအသံ အမျိုးသမီးအားမာန်" စာစဉ် (၂) ကို အောက်ပါ Link မှာ Download ဆွဲပြီး ဖတ်ရှုနိုင်ပြီ ဖြစ်ပါတယ်။
https://drive.google.com/file/d/1i6Euc_oBjzLGxrneM4EXGO0GvhF-IRGT/view?usp=drive_link
#politicsforwomenmyanmar
#whatishappeninginmyamar
#Advocacy
#politics
#media
- Published on
ရေးသားသူ- နွေဦးပိုင် (Ma Naw)
အမျိုးသမီးအသံ အမျိုးသမီးအသံ စာစဉ်အမှတ် (၂) မှ ကောက်နုတ်ဖော်ပြသည်။
တွေးခေါ်တာချင်းမတူရင်
ပြေးတဲ့လမ်းလည်းမတူသလို
ရလဒ်လည်းကွာသွားမှာပဲ ...သူငယ်ချင်း။
ဒီကာလမှာ အာဏာရှင်စနစ်ဆိုးကြောင့်
ပြည်သူအချို့ အလူးအလဲခံနေရချိန်
ဖြစ်စဉ်တခုရဲ့ နစ်နာသူဖက်နေ
အမှန်တရားတခု ပြန်ရဖို့အတွက်
(share & click) လုပ်မပေးနိုင်ပဲ
ကျော်သွားသူက ကြားနေသူများပါပဲ...။
အသံတိတ်ပေးနေခြင်းဟာ စနစ်ဆိုးနှစ်ရှည်ဖို့
ကူပေးနေတဲ့ ထောက်တိုင်တွေက သာသာယာယာ။
ဘယ်သူလွှမ်းမိုးနေပါစေ
ငါ့မိသားစုမငတ်သေးရင်နေလို့ရသေးတယ်ဆိုတာ
ကျွန်းဆိုးတွေရဲ့ခံယူချက်
စနစ်ဆိုးအောက်မှာ
ကျွန်ရနံ့သင်းသင်းနဲ့ပျော်ပျော်ကြီးငုံ့ခံနေတာ
ဦးနှောက်မဲ့နေသူတွေအတွက်
ကိုယ့်အိမ်တံခါး လာမခေါက်သေးတဲ့ရင်
ထာဝရနှုတ်ဆိတ်နေဆဲပါပဲ...။
တာဝန်သိစိတ်နဲ့
ကိုယ့်နိုင်ငံ ဒီစနစ်ဆိုးက
လွတ်မြောက်နိုင်ဖို့ အသက်ပေးပြီး
အများကောင်းကျိုး ပြောင်းလဲသွားနိုင်ဖို့ တိုက်ထုတ်နေချိန်
ကူရမလား လှူရမလား။
အသိမဲ့ ဝေခွဲမရ ကြားချ ဘေးရပ်
သာကူးတစုက အနေမြူးဆဲ။
တချို့က လမ်းဖောက်မပါ
အိမ်ဆောက်မပါ-ရေတွင်းတူးလည်းမပါ
ဘယ်နေရာမှ မပါတဲ့လူတွေဟာ
လမ်းကောင်းကိုရှာ အရိပ်အမိုးအောက်မှာ
ပြေးနေချင်ကြတယ်။
ရေကြည်သောက်ရဖို့ ရှေ့ကပြေးကာရပ်
အခွင့်အရေးတန်းတူမရရင်
ထိပ်ဆုံးက Human Rights ထအော်မှာက
ကျွန်တစ်စုအဖွဲ့။
သန္ဓေမတူတဲ့အတွက် တွေးခေါ်တာချင်းမတူသလို
ရွေးချယ်ပေးဆပ်မှုအပေါ်
ကိုယ့်ရဲ့ တန်ပြန်အကျိုးရလဒ်
ကွာသွားမှာပါပဲ...သူငယ်ချင်း...။
တန်ပြန်မှုကိုလက်ခံတတ်ဖို့နဲ့
ကိုယ်ရပ်တဲ့နေရာ ကိုယ့်ပြေးလမ်း လိပ်ပြာသန့်ပါစေ...
"အမျိုးသမီးအသံ အမျိုးသမီးအားမာန်" စာစဉ် (၂) ကို အောက်ပါ Link မှာ Download ဆွဲပြီး ဖတ်ရှုနိုင်ပြီ ဖြစ်ပါတယ်။
https://drive.google.com/file/d/1i6Euc_oBjzLGxrneM4EXGO0GvhF-IRGT/view?usp=drive_link
#politicsforwomenmyanmar
#whatishappeninginmyamar
#Advocacy
#politics
#media
- Published on
ရေးသားသူ- ဆိုဖီယာ
အမျိုးသမီးအသံ အမျိုးသမီးအသံ စာစဉ်အမှတ် (၂) မှ ကောက်နုတ်ဖော်ပြသည်။
ရဲရဲတောက် ပွင့်နေတဲ့
အနီပန်းဟာ
အချင်းချင်းသွေးလိမ့်နေတဲ့ကြားက
သူပုန်ထနေကြတယ်။
မတရားသဖြင့် စိုးမိုးနေတဲ့ ဤမြေကမ္ဘာကို
လက်ဖဝါးနုနုနဲ့ ကာမိုးပေးချင်သူတွေဖြစ်တယ်။
အာဏာရှင်ကို မုန်းလို့
သားငယ်လက်ကိုဆွဲ ထမီစွန်တောင်ခတ်
တပ်ဦးအလံကို မြေမခအောင်
တင်းတင်းစွဲကိုင်ထားသူတွေ ဖြစ်တယ်။
အချင်းတို့ ……….
မြင်ကြလော့… ရှုကြလော့
အနီပန်းတို့
ကတ္တရာလမ်းမထက်မှာ
ရဲရဲနီ လှသွေးဆင်နေကြပြီ..။
နေအမြင့်မှာ
အရောင်တောက်နေကြပြီ။
ခေတ်အဆက်ဆက် ဝန်ကိုထမ်းပြီး
ခေတ်အလှအတွက် အသက်စွန့်နေကြပြီ။
နေအဝင်အထိ အိမ်ထဲမဝင်ဘဲ
ကမ္ဘာအတွက် ဥဒါန်းကြူးရင့်နေကြပြီ ဖြစ်တယ်။
လောကလူသားတို့ …….
အနီပန်းအတွက်
လမ်းခင်းပေးကြလော့…။
အနီပန်းအတွက်
ဩဘာပေးကြလော့…။
အနီပန်းအတွက်
ရောင်နီကို ကြိုနှင့်ကြလော့…။
ပေတရာလမ်းပေါ်က နှင်းဆီနီတွေ သွေးတွေ ရဲရဲတောက်နေကြပြီ..။
"အမျိုးသမီးအသံ အမျိုးသမီးအားမာန်" စာစဉ် (၂) ကို အောက်ပါ Link မှာ Download ဆွဲပြီး ဖတ်ရှုနိုင်ပြီ ဖြစ်ပါတယ်။
https://drive.google.com/file/d/1i6Euc_oBjzLGxrneM4EXGO0GvhF-IRGT/view?usp=drive_link
#politicsforwomenmyanmar
#whatishappeninginmyamar
#Advocacy
#politics
#media
- Published on
ရေးသားသူ- Nge Lay
အမျိုးသမီးအသံ အမျိုးသမီးအသံ စာစဉ်အမှတ် (၄) မှ ကောက်နုတ်ဖော်ပြသည်။
"မိန်းကလေးနဲ့ နိုင်ငံရေး၊ ဝန်ထမ်းနဲ့ နိုင်ငံရေး ဘာမှမဆိုင်ဘူး။ မိန်းကလေးက မိန်းကလေးလိုနေ၊ ဝန်ထမ်းက ဝန်ထမ်းအလုပ်လုပ်တဲ့”။ ခုလိုတွေပြောလာတဲ့အခါ ကျွန်မလည်း ငြိမ်မခံတတ်တော့ “အမျိူးသမီး လည်း လူပဲ။ မတရားမှုကို ခေါင်းငုံ့မခံဘဲ တွန်းလှန်သင့်တယ်။ ဝန်ထမ်းဆိုရင်လည်း အမှန်တရားကို မြတ်နိုးရ မယ်”
ကျွန်မအကြောင်းလေး ပြောပြချင်ပါတယ်။၂၀၁၉ မှာ ဆရာမ ဖြစ်ခဲ့ပါတယ်။ ဆရာမ စဖြစ်တော့ မြို့နယ်အတွင်း တာဝန်ကျပေမဲ့ အိမ်နဲ့အလှမ်းဝေးတဲ့ အရပ်မှာ တာဝန်ကျပါတယ်။ တာဝန်ကျတဲ့နှစ်မှာပဲ ကိုဗစ်တွေ စဖြစ်ပါတယ်။ ကျောင်းတွေပိတ်ထားကြရတယ်။ နောက်နှစ်မှာတော့ ဆက်တိုက်ပဲ။ Covid ပြီး တော့ စစ်တပ်က အာဏာလုယူသွားပါတယ်။ အဲ့အချိန်ကစပြီးကျောင်းဆက်မတက်ဘဲ ဆန္ဒတွေပြခဲ့ပါတယ်။ လမ်းပေါ်ထွက်ပြီး နေ့တိုင်းဆန္ဒပြပါတယ်။ မတရားမှုကို တွန်းလှန်ရမယ်။ အာဏာရှင်ပြုတ်ကျရမယ်ဆိုတဲ့ စိတ်နဲ့ ဆန္ဒတွေ ပြခဲ့ကြပါတယ်။ဆန္ဒပြစဥ်ကတေ့ာ လူတွေကြပ်ကြပ်တိုးပါပဲ။
အမှန်တကယ် CDM လုပ်ခြင်း မလုပ်ခြင်းအပေါ် လက်မှတ်ထိုးကြတော့ လူနည်းစုပဲ ကျန်ခဲ့ပါတယ်။ တချိူ့သူတွေကတေ့ာ Non CDM လုပ်ပြီး ကျောင်းတွေမှာ စာဆက်သင်နေကြတယ်။ ကျွန်မတို့လို CDM တွေက တော့ ကျောင်းတွေဆက်မတက်ဘဲ အိမ်အလုပ်ဝိုင်းကူတဲ့သူကကူ စျေးရောင်းတဲ့သူကရောင်းနဲ့။ ကျွန်မကတော့ တောင်သူအလုပ်လုပ်ပြီး ဆက်လက်တွန်းလှန်ခဲ့တယ်။ အဲ့လိုဆန္ဒပြတွန်းလှန်မှုတွေကြားမှာ စစ်တပ်က ကိုယ်ထိလက်ရောက်ပြုမူပြီး အကြမ်းဖက်တာတွေပြုလုပ်ကြလို့ လမ်းပေါ်ထွက်ဆန္ဒပြတာတွေ ရပ်နားသွားခဲ့ ပါတယ်။ မိသားစုကလည်း ကြာလာတော့ ပြောလာကြတယ်။ CDM လုပ်တာကို ဆက်မလုပ်တော့ဖို့ တိုက်တွန်း ကြတယ်။ ပတ်ဝန်းကျင်နဲ့အမျိူးတွေကလည်း ဖိအားပေးကြတယ်။
"မိန်းကလေး နဲ့ နိုင်ငံရေး ဝန်ထမ်းနဲ့နိုင်ငံရေး ဘာမှမဆိုင်ဘူး မိန်းကလေးက မိန်းကလေးလိုနေ ဝန်ထမ်းက ဝန်ထမ်းအလုပ်လုပ်" တဲ့။ ခုလိုတွေ ပြောလာကြတော့ ကျွန်တော်လည်း ငြိမ်မခံတတ်တော့ အမျိူးသမီးလည်း လူပဲ။ ဘယ်လိုလူမဆို မတရားမှုကို ခေါင်းငုံ့မခံဘဲ တွန်းလှန်သင့်တယ် ဝန်ထမ်းဆိုရင်လည်း အမှန်တရားကို မြတ်နိုးရမယ်ဆိုတဲ့ စကားတွေနဲ့ပြောခဲ့ပေမယ့် ကျွန်မ စကားတွေကိုနားမထောင်ပေးကြ တော့ဘူး။ မိသားစုကိုတော့ သေချာရှင်းပြပြီး အမှန်တရားနဲ့ တရားမျှတမှုဘက်မှာပဲ ဆက်ပြီးရပ်တည်ကြဖို့ အောင်အောင်မြင်မြင် စည်းရုံးနိုင်ခဲ့တယ်။
အဲ့ဒီနောက်ပိုင်း စစ်တပ်က ပိုပိုဆိုးလာတယ်။ သတင်းအမှောင်ချတယ်။ လိုင်းတွေ ဖြတ်တယ်။ CDM တွေကို ဖမ်းဆီးတယ်။ ကျွန်မတို့လည်း အသံကြားရင်ပြေးရ၊ ပြန်ငြိမ်ရင် အိမ်ပြန်လာလိုက်နဲ့ မိဘတွေ စိုးရိမ်ပူပန်နေခဲ့ကြရတယ်။ အိမ်ကမိဘတွေက စိတ်ပူကြတဲ့အတွက် ရပ်ကွက်က ဒလန်ပေါလွန်းလို့ အမျိူးအိမ် ပြောင်းပြီး နေခဲ့ရတယ်။ ဝင်ငွေမရှိတဲ့အတွက် မိသားစုကိုလည်း မကူနိုင်၊ ကိုယ်တိုင်အတွက်လည်း အခက်အခဲ တွေနဲ့ ရင်ဆိုင်ခဲ့ရပါတယ်။ အဲ့ဒီနောက် အသိCDM သူငယ်ချင်းက Online School မှာ စာသင်ဖို့ လာပြောတော့ စိတ်လည်း တည်ငြိမ်ပြီး ဟိုတွေးဒီတွေးလည်း မတွေးမိအောင်ဆိုပြီး လုပ်ခဲ့ပါတယ်။
ကံဆိုးချင်တော့ လုပ်ပြီး နှစ်ပတ်လောက်အကြာ ကျောင်းက Security အပြင်ပေါက်ကြားလို့ဆိုပြီး အားလုံးပြေးကြရပါတယ်။ အဲ့ဒီအချိန်မှာ ကျွန်မက ဘယ်ပြေးရမှန်းမသိနဲ့ တော်တော် စိတ်ဒုက္ခ ရောက်ခဲ့ရ ပါတယ်။ အသိ CDM သူငယ်ချင်း အကူအညီနဲ့ သူ့အိမ်မှာ နှစ်လလောက် တည်းခဲ့ပါတယ်။ အဲ့လို နှစ်လကြာ သူငယ်ချင်းအိမ်မှာ တည်းခိုပြီးတဲ့နောက် အိမ်ပြန်ခဲ့တယ်။ အိမ်ရောက်တေ့ာ အိမ်အလုပ်ဝိုင်းကူလုပ်ပြီး နေခဲ့ ပါတယ်။ အဲ့ဒီနောက်မှာတော့ ကျွန်မ Online School ကို ထပ်မံ လုပ်ဖို့ ရွေးချယ်ဖြစ်ခဲ့တယ်။ Online School မှာ data ဖိုးလေးလည်းရ၊ CDM ကလေးတွေအတွက်လည်း လုပ်အားပေးရတယ်ဆိုပြီး လုပ်ခဲ့ပါတယ်။
အဲ့ဒီနောက်ပိုင်း ကျွန်မကံပဲဆိုးနေလားနဲ့ တွေးမိတော့တယ်။ ရွာမှာ တိုက်ပွဲတွေ ဖြစ်တယ်။ တရွာလုံး ပြေးကြရတယ်။ ရွာက စခန်းနဲ့နီးတော့ ဘယ်လိုမှ အဆင်မပြေဘူး။ တောထဲမှာ စစ်ရှောင်နေကြခဲ့တယ်။ လိုင်းမရတော့ ကျွန်မ Online ကျောင်းအတွက်က ဘယ်လိုမှ အဆင်မပြေတော့ဘူး။ ဒါ့ကြောင့် ကျွန်မ မြို့မှာ အဆောင်ငှားနေပြီး Online မှာ ဆက်လက်လုပ်ပါတယ်။ အဆင်တော့မပြေပါဘူး။ အဆောင်လခနဲ့ ကုန်စျေး နှုန်းနဲ့ ဘာမှတော့မကျန်ဘူး။ မိသားစုကိုလည်း ထောက်ပံ့မပေးနိုင်ဘူး။ မိသားစုကလည်း အဆင်ပြေအောင် နေဖို့ပဲ အမြဲပြောကြတယ်။ ကျန်းမာရေးမကောင်းတတ်သူမို့ ခဏခဏ နေမကောင်းဖြစ်တယ်။ နေမကောင်း ဖြစ်တဲ့ အချိန်တွေဆို အိမ်လွမ်းတဲ့စိတ်တွေ သတိရစိတ်တွေပိုပြီး ဖြစ်လာပါတယ်။ မိသားစုကတော့ တောထဲမှာ ဒီနေ့အထိပဲ စစ်ဘေးရှောင်နေကြရပါတယ်။ အခက်ခဲကနေ့စဥ်တော့ ကြုံတွေ့နေရပါတယ်။ ဒါပေမယ့်လည်း ကြိုးစားရှေ့ဆက်ပြီး အားတင်းထားရပါတယ်။
အမျိုးသမီးအသံ အမျိုးသမီးအားမာန် စာစဉ် (၄) ကို အောက်ပါလင့်ခ်မှာ ဝင်ရောက်ပြီး ဖတ်ရှုနိုင်ပါပြီ။
https://drive.google.com/file/d/1f-_wechUEdOGmJdkvswVAWYQ7WKpDwYW/view?usp=sharing
#politicsforwomenmyanmar
#whatishappeninginmyamar
#Advocacy
#politics
#media
အမျိုးသမီးအသံ အမျိုးသမီးအသံ စာစဉ်အမှတ် (၄) မှ ကောက်နုတ်ဖော်ပြသည်။
"မိန်းကလေးနဲ့ နိုင်ငံရေး၊ ဝန်ထမ်းနဲ့ နိုင်ငံရေး ဘာမှမဆိုင်ဘူး။ မိန်းကလေးက မိန်းကလေးလိုနေ၊ ဝန်ထမ်းက ဝန်ထမ်းအလုပ်လုပ်တဲ့”။ ခုလိုတွေပြောလာတဲ့အခါ ကျွန်မလည်း ငြိမ်မခံတတ်တော့ “အမျိူးသမီး လည်း လူပဲ။ မတရားမှုကို ခေါင်းငုံ့မခံဘဲ တွန်းလှန်သင့်တယ်။ ဝန်ထမ်းဆိုရင်လည်း အမှန်တရားကို မြတ်နိုးရ မယ်”
ကျွန်မအကြောင်းလေး ပြောပြချင်ပါတယ်။၂၀၁၉ မှာ ဆရာမ ဖြစ်ခဲ့ပါတယ်။ ဆရာမ စဖြစ်တော့ မြို့နယ်အတွင်း တာဝန်ကျပေမဲ့ အိမ်နဲ့အလှမ်းဝေးတဲ့ အရပ်မှာ တာဝန်ကျပါတယ်။ တာဝန်ကျတဲ့နှစ်မှာပဲ ကိုဗစ်တွေ စဖြစ်ပါတယ်။ ကျောင်းတွေပိတ်ထားကြရတယ်။ နောက်နှစ်မှာတော့ ဆက်တိုက်ပဲ။ Covid ပြီး တော့ စစ်တပ်က အာဏာလုယူသွားပါတယ်။ အဲ့အချိန်ကစပြီးကျောင်းဆက်မတက်ဘဲ ဆန္ဒတွေပြခဲ့ပါတယ်။ လမ်းပေါ်ထွက်ပြီး နေ့တိုင်းဆန္ဒပြပါတယ်။ မတရားမှုကို တွန်းလှန်ရမယ်။ အာဏာရှင်ပြုတ်ကျရမယ်ဆိုတဲ့ စိတ်နဲ့ ဆန္ဒတွေ ပြခဲ့ကြပါတယ်။ဆန္ဒပြစဥ်ကတေ့ာ လူတွေကြပ်ကြပ်တိုးပါပဲ။
အမှန်တကယ် CDM လုပ်ခြင်း မလုပ်ခြင်းအပေါ် လက်မှတ်ထိုးကြတော့ လူနည်းစုပဲ ကျန်ခဲ့ပါတယ်။ တချိူ့သူတွေကတေ့ာ Non CDM လုပ်ပြီး ကျောင်းတွေမှာ စာဆက်သင်နေကြတယ်။ ကျွန်မတို့လို CDM တွေက တော့ ကျောင်းတွေဆက်မတက်ဘဲ အိမ်အလုပ်ဝိုင်းကူတဲ့သူကကူ စျေးရောင်းတဲ့သူကရောင်းနဲ့။ ကျွန်မကတော့ တောင်သူအလုပ်လုပ်ပြီး ဆက်လက်တွန်းလှန်ခဲ့တယ်။ အဲ့လိုဆန္ဒပြတွန်းလှန်မှုတွေကြားမှာ စစ်တပ်က ကိုယ်ထိလက်ရောက်ပြုမူပြီး အကြမ်းဖက်တာတွေပြုလုပ်ကြလို့ လမ်းပေါ်ထွက်ဆန္ဒပြတာတွေ ရပ်နားသွားခဲ့ ပါတယ်။ မိသားစုကလည်း ကြာလာတော့ ပြောလာကြတယ်။ CDM လုပ်တာကို ဆက်မလုပ်တော့ဖို့ တိုက်တွန်း ကြတယ်။ ပတ်ဝန်းကျင်နဲ့အမျိူးတွေကလည်း ဖိအားပေးကြတယ်။
"မိန်းကလေး နဲ့ နိုင်ငံရေး ဝန်ထမ်းနဲ့နိုင်ငံရေး ဘာမှမဆိုင်ဘူး မိန်းကလေးက မိန်းကလေးလိုနေ ဝန်ထမ်းက ဝန်ထမ်းအလုပ်လုပ်" တဲ့။ ခုလိုတွေ ပြောလာကြတော့ ကျွန်တော်လည်း ငြိမ်မခံတတ်တော့ အမျိူးသမီးလည်း လူပဲ။ ဘယ်လိုလူမဆို မတရားမှုကို ခေါင်းငုံ့မခံဘဲ တွန်းလှန်သင့်တယ် ဝန်ထမ်းဆိုရင်လည်း အမှန်တရားကို မြတ်နိုးရမယ်ဆိုတဲ့ စကားတွေနဲ့ပြောခဲ့ပေမယ့် ကျွန်မ စကားတွေကိုနားမထောင်ပေးကြ တော့ဘူး။ မိသားစုကိုတော့ သေချာရှင်းပြပြီး အမှန်တရားနဲ့ တရားမျှတမှုဘက်မှာပဲ ဆက်ပြီးရပ်တည်ကြဖို့ အောင်အောင်မြင်မြင် စည်းရုံးနိုင်ခဲ့တယ်။
အဲ့ဒီနောက်ပိုင်း စစ်တပ်က ပိုပိုဆိုးလာတယ်။ သတင်းအမှောင်ချတယ်။ လိုင်းတွေ ဖြတ်တယ်။ CDM တွေကို ဖမ်းဆီးတယ်။ ကျွန်မတို့လည်း အသံကြားရင်ပြေးရ၊ ပြန်ငြိမ်ရင် အိမ်ပြန်လာလိုက်နဲ့ မိဘတွေ စိုးရိမ်ပူပန်နေခဲ့ကြရတယ်။ အိမ်ကမိဘတွေက စိတ်ပူကြတဲ့အတွက် ရပ်ကွက်က ဒလန်ပေါလွန်းလို့ အမျိူးအိမ် ပြောင်းပြီး နေခဲ့ရတယ်။ ဝင်ငွေမရှိတဲ့အတွက် မိသားစုကိုလည်း မကူနိုင်၊ ကိုယ်တိုင်အတွက်လည်း အခက်အခဲ တွေနဲ့ ရင်ဆိုင်ခဲ့ရပါတယ်။ အဲ့ဒီနောက် အသိCDM သူငယ်ချင်းက Online School မှာ စာသင်ဖို့ လာပြောတော့ စိတ်လည်း တည်ငြိမ်ပြီး ဟိုတွေးဒီတွေးလည်း မတွေးမိအောင်ဆိုပြီး လုပ်ခဲ့ပါတယ်။
ကံဆိုးချင်တော့ လုပ်ပြီး နှစ်ပတ်လောက်အကြာ ကျောင်းက Security အပြင်ပေါက်ကြားလို့ဆိုပြီး အားလုံးပြေးကြရပါတယ်။ အဲ့ဒီအချိန်မှာ ကျွန်မက ဘယ်ပြေးရမှန်းမသိနဲ့ တော်တော် စိတ်ဒုက္ခ ရောက်ခဲ့ရ ပါတယ်။ အသိ CDM သူငယ်ချင်း အကူအညီနဲ့ သူ့အိမ်မှာ နှစ်လလောက် တည်းခဲ့ပါတယ်။ အဲ့လို နှစ်လကြာ သူငယ်ချင်းအိမ်မှာ တည်းခိုပြီးတဲ့နောက် အိမ်ပြန်ခဲ့တယ်။ အိမ်ရောက်တေ့ာ အိမ်အလုပ်ဝိုင်းကူလုပ်ပြီး နေခဲ့ ပါတယ်။ အဲ့ဒီနောက်မှာတော့ ကျွန်မ Online School ကို ထပ်မံ လုပ်ဖို့ ရွေးချယ်ဖြစ်ခဲ့တယ်။ Online School မှာ data ဖိုးလေးလည်းရ၊ CDM ကလေးတွေအတွက်လည်း လုပ်အားပေးရတယ်ဆိုပြီး လုပ်ခဲ့ပါတယ်။
အဲ့ဒီနောက်ပိုင်း ကျွန်မကံပဲဆိုးနေလားနဲ့ တွေးမိတော့တယ်။ ရွာမှာ တိုက်ပွဲတွေ ဖြစ်တယ်။ တရွာလုံး ပြေးကြရတယ်။ ရွာက စခန်းနဲ့နီးတော့ ဘယ်လိုမှ အဆင်မပြေဘူး။ တောထဲမှာ စစ်ရှောင်နေကြခဲ့တယ်။ လိုင်းမရတော့ ကျွန်မ Online ကျောင်းအတွက်က ဘယ်လိုမှ အဆင်မပြေတော့ဘူး။ ဒါ့ကြောင့် ကျွန်မ မြို့မှာ အဆောင်ငှားနေပြီး Online မှာ ဆက်လက်လုပ်ပါတယ်။ အဆင်တော့မပြေပါဘူး။ အဆောင်လခနဲ့ ကုန်စျေး နှုန်းနဲ့ ဘာမှတော့မကျန်ဘူး။ မိသားစုကိုလည်း ထောက်ပံ့မပေးနိုင်ဘူး။ မိသားစုကလည်း အဆင်ပြေအောင် နေဖို့ပဲ အမြဲပြောကြတယ်။ ကျန်းမာရေးမကောင်းတတ်သူမို့ ခဏခဏ နေမကောင်းဖြစ်တယ်။ နေမကောင်း ဖြစ်တဲ့ အချိန်တွေဆို အိမ်လွမ်းတဲ့စိတ်တွေ သတိရစိတ်တွေပိုပြီး ဖြစ်လာပါတယ်။ မိသားစုကတော့ တောထဲမှာ ဒီနေ့အထိပဲ စစ်ဘေးရှောင်နေကြရပါတယ်။ အခက်ခဲကနေ့စဥ်တော့ ကြုံတွေ့နေရပါတယ်။ ဒါပေမယ့်လည်း ကြိုးစားရှေ့ဆက်ပြီး အားတင်းထားရပါတယ်။
အမျိုးသမီးအသံ အမျိုးသမီးအားမာန် စာစဉ် (၄) ကို အောက်ပါလင့်ခ်မှာ ဝင်ရောက်ပြီး ဖတ်ရှုနိုင်ပါပြီ။
https://drive.google.com/file/d/1f-_wechUEdOGmJdkvswVAWYQ7WKpDwYW/view?usp=sharing
#politicsforwomenmyanmar
#whatishappeninginmyamar
#Advocacy
#politics
#media
- Published on
ရေးသားသူ- Rosy
အမျိုးသမီးအသံ အမျိုးသမီးအသံ စာစဉ်အမှတ် (၄) မှ ကောက်နုတ်ဖော်ပြသည်။
အရင်းအနှီးကြီးတဲ့
ဒီကစားပွဲမှာ…..
ငါဟာ ပေးဆပ်ရုံသက်သက်သာ။
ရလိုမှုကင်း၊ ပေးဆပ်ခြင်းနဲ့
ရင်းလို့ထားခဲ့တယ်။
ငါ့အသက်ထက်ပို
တန်ဖိုးထားခြင်းတွေကို
ချလို့ရင်းထားခဲ့။
ဒါတွေဘယ်သူ မြင်သိမှာတဲ့လဲ။
မမြတ်ရင်နေ၊ ရှုံးလည်း ရတယ်ဆိုတဲ့
ဂရုမစိုက်တတ်ခြင်းတွေက
ခံနိုင်ရည်အပြည့်ပေါ့။
သို့ပေသိ
အနာဂတ်နဲ့အတူ၊ ဘဝများစွာပေး
အိပ်မက်တွေလောင်းကြေးထပ်ထားလို့
နိုင်ကိုနိုင်မှ ဖြစ်မယ်။
အနာဂတ်အိပ်မက်များစွာအတွက်
စတေးကြစတမ်းဆို
ငါကပဲစတေးခံလို့ လောင်းကြေးထပ်ပါရစေ။
အမျိုးသမီးအသံ အမျိုးသမီးအားမာန် စာစဉ် (၄) ကို အောက်ပါလင့်ခ်မှာ ဝင်ရောက်ပြီး ဖတ်ရှုနိုင်ပါပြီ။
https://drive.google.com/file/d/1f-_wechUEdOGmJdkvswVAWYQ7WKpDwYW/view?usp=sharing
#politicsforwomenmyanmar
#whatishappeninginmyamar
#Advocacy
#politics
#media
အမျိုးသမီးအသံ အမျိုးသမီးအသံ စာစဉ်အမှတ် (၄) မှ ကောက်နုတ်ဖော်ပြသည်။
အရင်းအနှီးကြီးတဲ့
ဒီကစားပွဲမှာ…..
ငါဟာ ပေးဆပ်ရုံသက်သက်သာ။
ရလိုမှုကင်း၊ ပေးဆပ်ခြင်းနဲ့
ရင်းလို့ထားခဲ့တယ်။
ငါ့အသက်ထက်ပို
တန်ဖိုးထားခြင်းတွေကို
ချလို့ရင်းထားခဲ့။
ဒါတွေဘယ်သူ မြင်သိမှာတဲ့လဲ။
မမြတ်ရင်နေ၊ ရှုံးလည်း ရတယ်ဆိုတဲ့
ဂရုမစိုက်တတ်ခြင်းတွေက
ခံနိုင်ရည်အပြည့်ပေါ့။
သို့ပေသိ
အနာဂတ်နဲ့အတူ၊ ဘဝများစွာပေး
အိပ်မက်တွေလောင်းကြေးထပ်ထားလို့
နိုင်ကိုနိုင်မှ ဖြစ်မယ်။
အနာဂတ်အိပ်မက်များစွာအတွက်
စတေးကြစတမ်းဆို
ငါကပဲစတေးခံလို့ လောင်းကြေးထပ်ပါရစေ။
အမျိုးသမီးအသံ အမျိုးသမီးအားမာန် စာစဉ် (၄) ကို အောက်ပါလင့်ခ်မှာ ဝင်ရောက်ပြီး ဖတ်ရှုနိုင်ပါပြီ။
https://drive.google.com/file/d/1f-_wechUEdOGmJdkvswVAWYQ7WKpDwYW/view?usp=sharing
#politicsforwomenmyanmar
#whatishappeninginmyamar
#Advocacy
#politics
#media
- Published on
ရေးသားသူ- လွန်း
အမျိုးသမီးအသံ အမျိုးသမီးအသံ စာစဉ်အမှတ် (၄) မှ ကောက်နုတ်ဖော်ပြသည်။
“ငါ့ရဲ့ မနက်ကို “ မ....ဘယ်သူတော့ပါသွားပြီ”ဆိုတဲ့
သတင်းစကားနဲ့နိုးထရတယ် ...........။
စာအုပ်တွေ မဖတ်ဖြစ်တော့ဘူး
ကဗျာတွေမရေးနိုင်တော့ဘူး
ရယ်သံတွေ မထွက်လာတော့တဲ့
သတ္တုစိုင်နှလုံးသားကို
ဘယ်သူကဘယ်အချိန်တုန်းက စိုက်ထူခဲ့တာလဲ........။
လွန်ခဲ့တဲ့ သုံးနှစ်ကျော်ကလား
လွန်ခဲ့တဲ့ နှစ် ၇၀ ကလား.....။
လေယာဥ်ပျံကြီးတွေ့ရင်
လက်ပြနှုတ်ဆက်တတ်တဲ့ မျိုးဆက်ကနေ
လေယာဥ်သံကြားရင် မျက်ရည်စက်လက်ကျရတဲ့မျိုးဆက်ကို
ဘယ်သူတွေကများ အမွေပေးခဲ့တာလဲ......။
ပန်းကလေးတွေနဲ့အတူ
နေခြည်မှာရွှေရည်လောင်းရမယ့် စာသင်ကျောင်းအစား
မှောင်ရိပ်ရိပ်ကျနေတဲ့ အေးစက်စက်ဂူရဲ့
စာသင်ခန်းတွေထဲက အဖြူအစိမ်းမဝတ်တဲ့
နှလုံးလှတဲ့ဆရာမလေးတွေထက်
ဘယ် Crown ပိုင်ရှင်ကရော ပိုလှနိုင်မှာတဲ့လဲ.... ။
တခြားကမ္ဘာမှာ AI တွေနဲ့တည်ဆောက်ထားပြီး
ငါတို့နေတဲ့ကမ္ဘာကိုတော့ ကျည်ဆန်တွေနဲ့တည်ဆောက်ထားတယ်......။
ဇာတ်ကားတစ်ကားလုံးမှာပြေးလွှားပြီး
လူဆိုးတွေကိုနိုင်တော့မှ
နောက်ဆုံးမှာအိပ်မက်မက်နေတဲ့ ဇာတ်ဝင်ခန်းလို
အပြင်မှာငါတို့ချစ်တဲ့သူတွေ
အကောင်းပကတိဖြစ်နေသေးတဲ့
အိပ်မက်ကိုပဲမက်ချင်မိတယ်။
လူဆိုးတွေကတော့ အိပ်မက်ထဲရော
ပြင်ပကမ္ဘာမှာပါ အဆုံးမရှိ သေဆုံးပါစေပေါ့။
နှင်းဆီဟာဆူးတွေပါရင် သန်မာကြောင်း
အထပ်ထပ် သက်သေပြရသလို
က္ကထိယလိင်ဖြစ်တဲ့ ငါတို့တွေဟာလည်း
စစ်ပွဲထဲမှာ အကြိမ်ကြိမ် ရဲရင့်နေကြရတယ်။
စစ်ပွဲကြီးပြီးရင် ချစ်တဲ့သူတွေနဲ့
မခွဲရတဲ့ ဒိုင်ယာရီကို ရေးချင်တယ်။
စစ်ပွဲကြီးပြီးရင် ငါတို့နာမ်ကို တံဆိပ်မကပ်မယ့်
တိုင်းပြည်သစ်ကို ဆောက်ချင်တယ်။
စစ်ပွဲကြီးပြီးရင် ပန်းရောင်ကမ္ဘာကနေ
ရောင်စုံကို ကြည့်ခွင့်ရှိတဲ့ မျက်ဝန်းတစ်စုံကိုရချင်တယ်။
စစ်ပွဲကြီးပြီးရင်
ငါတို့အမေတွေ၊ ငါတို့အဘွားတွေ၊ ငါတို့အမတွေ၊
ငါတို့အဒေါ်တွေ၊ ငါတို့ညီမလေးတွေ၊ ငါတို့သမီးလေးတွေရဲ့
အငို ...တိတ်အောင်လုပ်ပေးချင်တယ်။
စစ်ပွဲကြီးပြီးတဲ့အခါ
ဒုတိယလိင်အဖြစ် မသတ်မှတ်တော့မယ့်
ကမ္ဘာသစ်ကို ရောက်ချင်တယ်။
အမျိုးသမီးအသံ အမျိုးသမီးအားမာန် စာစဉ် (၄) ကို အောက်ပါလင့်ခ်မှာ ဝင်ရောက်ပြီး ဖတ်ရှုနိုင်ပါပြီ။
https://drive.google.com/file/d/1f-_wechUEdOGmJdkvswVAWYQ7WKpDwYW/view?usp=sharing
#politicsforwomenmyanmar
#whatishappeninginmyamar
#Advocacy
#politics
#media
အမျိုးသမီးအသံ အမျိုးသမီးအသံ စာစဉ်အမှတ် (၄) မှ ကောက်နုတ်ဖော်ပြသည်။
“ငါ့ရဲ့ မနက်ကို “ မ....ဘယ်သူတော့ပါသွားပြီ”ဆိုတဲ့
သတင်းစကားနဲ့နိုးထရတယ် ...........။
စာအုပ်တွေ မဖတ်ဖြစ်တော့ဘူး
ကဗျာတွေမရေးနိုင်တော့ဘူး
ရယ်သံတွေ မထွက်လာတော့တဲ့
သတ္တုစိုင်နှလုံးသားကို
ဘယ်သူကဘယ်အချိန်တုန်းက စိုက်ထူခဲ့တာလဲ........။
လွန်ခဲ့တဲ့ သုံးနှစ်ကျော်ကလား
လွန်ခဲ့တဲ့ နှစ် ၇၀ ကလား.....။
လေယာဥ်ပျံကြီးတွေ့ရင်
လက်ပြနှုတ်ဆက်တတ်တဲ့ မျိုးဆက်ကနေ
လေယာဥ်သံကြားရင် မျက်ရည်စက်လက်ကျရတဲ့မျိုးဆက်ကို
ဘယ်သူတွေကများ အမွေပေးခဲ့တာလဲ......။
ပန်းကလေးတွေနဲ့အတူ
နေခြည်မှာရွှေရည်လောင်းရမယ့် စာသင်ကျောင်းအစား
မှောင်ရိပ်ရိပ်ကျနေတဲ့ အေးစက်စက်ဂူရဲ့
စာသင်ခန်းတွေထဲက အဖြူအစိမ်းမဝတ်တဲ့
နှလုံးလှတဲ့ဆရာမလေးတွေထက်
ဘယ် Crown ပိုင်ရှင်ကရော ပိုလှနိုင်မှာတဲ့လဲ.... ။
တခြားကမ္ဘာမှာ AI တွေနဲ့တည်ဆောက်ထားပြီး
ငါတို့နေတဲ့ကမ္ဘာကိုတော့ ကျည်ဆန်တွေနဲ့တည်ဆောက်ထားတယ်......။
ဇာတ်ကားတစ်ကားလုံးမှာပြေးလွှားပြီး
လူဆိုးတွေကိုနိုင်တော့မှ
နောက်ဆုံးမှာအိပ်မက်မက်နေတဲ့ ဇာတ်ဝင်ခန်းလို
အပြင်မှာငါတို့ချစ်တဲ့သူတွေ
အကောင်းပကတိဖြစ်နေသေးတဲ့
အိပ်မက်ကိုပဲမက်ချင်မိတယ်။
လူဆိုးတွေကတော့ အိပ်မက်ထဲရော
ပြင်ပကမ္ဘာမှာပါ အဆုံးမရှိ သေဆုံးပါစေပေါ့။
နှင်းဆီဟာဆူးတွေပါရင် သန်မာကြောင်း
အထပ်ထပ် သက်သေပြရသလို
က္ကထိယလိင်ဖြစ်တဲ့ ငါတို့တွေဟာလည်း
စစ်ပွဲထဲမှာ အကြိမ်ကြိမ် ရဲရင့်နေကြရတယ်။
စစ်ပွဲကြီးပြီးရင် ချစ်တဲ့သူတွေနဲ့
မခွဲရတဲ့ ဒိုင်ယာရီကို ရေးချင်တယ်။
စစ်ပွဲကြီးပြီးရင် ငါတို့နာမ်ကို တံဆိပ်မကပ်မယ့်
တိုင်းပြည်သစ်ကို ဆောက်ချင်တယ်။
စစ်ပွဲကြီးပြီးရင် ပန်းရောင်ကမ္ဘာကနေ
ရောင်စုံကို ကြည့်ခွင့်ရှိတဲ့ မျက်ဝန်းတစ်စုံကိုရချင်တယ်။
စစ်ပွဲကြီးပြီးရင်
ငါတို့အမေတွေ၊ ငါတို့အဘွားတွေ၊ ငါတို့အမတွေ၊
ငါတို့အဒေါ်တွေ၊ ငါတို့ညီမလေးတွေ၊ ငါတို့သမီးလေးတွေရဲ့
အငို ...တိတ်အောင်လုပ်ပေးချင်တယ်။
စစ်ပွဲကြီးပြီးတဲ့အခါ
ဒုတိယလိင်အဖြစ် မသတ်မှတ်တော့မယ့်
ကမ္ဘာသစ်ကို ရောက်ချင်တယ်။
အမျိုးသမီးအသံ အမျိုးသမီးအားမာန် စာစဉ် (၄) ကို အောက်ပါလင့်ခ်မှာ ဝင်ရောက်ပြီး ဖတ်ရှုနိုင်ပါပြီ။
https://drive.google.com/file/d/1f-_wechUEdOGmJdkvswVAWYQ7WKpDwYW/view?usp=sharing
#politicsforwomenmyanmar
#whatishappeninginmyamar
#Advocacy
#politics
#media
