အိပ်မက်ဆိုးမှ နိုးထခြင်း

ရေးသားသူ- Liliane

အမျိုးသမီးအသံ အမျိုးသမီးအသံ စာစဉ်အမှတ် (၃) မှ ကောက်နုတ်ဖော်ပြသည်။
​
အသစ်တဖန် ပြန်အသက်ရှင်ခဲ့ရပြီ
ညတိုင်းမက်တဲ့အိပ်မက်ဆိုးကနေ
နိုးထလာနိုင်ခဲ့ပြီ။
ကြေမွသွားတဲ့ ဝိဉာဉ်တစ်ခု
အသစ်တဖန် ပြန်မွေးဖွားလာပြီ။
ညစ်ထေးသွားတဲ့ မနောဓာတ်ကလည်း
ပြန်ကြည်လင်လာပြီ။
တဏှာကြီးသူတစ်ယောက်ရဲ့ လက်ချက်ကြောင့်
သေဆုံးခဲ့တဲ့ ဘဝတခြမ်းကို
ကိုယ်တိုင် မွေးဖွားပြီး နိုးထနိုင်သူတစ်ယောက်အတွက်
လောကတခုလုံးက လှပနေပြီ။
အမေ…..
အမေ့သမီးဟာ
မုဒိမ်းကျင့်ခံလိုက်ရတဲ့ အမေ့သမီးမဟုတ်တော့ဘူး။
အမေ့သမီးဟာ
မုဒိမ်းကျင့်ခံရတဲ့ဘဝဆိုးကနေ
အသစ်တဖန် မွေးဖွားနိုင်လိုက်ပြီ။
တရားမျှတမှုကို တံတားထိုးပြီး
လောကသစ်ကြီးဆီကို ပြန်လာပြီ အမေ။
အမေ မျှော်နေတဲ့
အမေ့သမီးအလိမ္မာ အိပ်မက်ဆိုးကနေ ပြန်လာပြီ။

 
အမျိုးသမီးအသံ အမျိုးသမီးအားမာန် စာစဉ် အမှတ် (၃) ကို အောက်ပါလင့်ခ်တွင် အပြည့်အစုံ ဖတ်ရှုနိုင်ပြီ ဖြစ်ပါတယ်။
https://drive.google.com/file/d/1p8Hau9E3N-m95SrSjIJyZOlcDp6xoX0p/view?usp=sharing

#politicsforwomenmyanmar
#whatishappeninginmyamar
#Advocacy
#politics
#media